Incident se dogodio na ostrvu Amami, gdje su rakovi pustinjaci zakonski zaštićeni. Zaposleni u lokalnom hotelu, kojem su turisti predali kofere na čuvanje, primijetio je neobične zvuke iz prtljaga i odmah obavijestio vlasti. Kada su se dvojica muškaraca vratila po kofere, policija ih je već čekala.
U tri kofera pronađeno je oko 95 kilograma rakova pustinjaka, dok je treći muškarac, uhapšen naknadno, nosio još 65 kilograma. Ukupno, pokušali su prokrijumčariti više od 160 kilograma zaštićenih životinja,piše N1
Policija istražuje da li su rakovi bili namijenjeni za prodaju, držanje kao kućni ljubimci ili konzumaciju. “Ispitujemo sve mogućnosti”, izjavili su iz lokalne policije za AFP.
Rakovi pustinjaci su poznati po tome što žive u praznim ljušturama i naseljavaju priobalne plaže. Prema pisanju lista Japan Times, jedan primjerak može dostići cijenu i do 120 eura (oko 20.000 jena).
